Balidazio-eskemetan oinarritutako interfaze-sorkuntza dinamikoa

Abstract

Gradu-amaierako proiektu hau anotazio linguistiko konplexuen testuinguruan kokatzen da. Proiektuaren helburuak hiru zatitan bereizi dira. Lehena, Armiarma web-aplikazioa eta LibiXaML liburutegia egokitzea bilaketa konplexuagoak onartu ahal izateko; horretarako Relax NG eskemen erabilpena errazten duen JavaScript liburutegia garatu da. Ondoren, LibiXaML liburutegiak bilaketarako erabiltzen dituen XPath-en sorkuntza automatizatzea, Relax NG eskematik abiatuz. Eta amaitzeko, analisi-sorkuntzako prototipoa hobetzea, hasieran sortutako liburutegia berrerabiliz eta Relax NG eskemak erabiliz.