FPGAtan gauzatutako sistema digitaletan kontsumoa neurtzeko eta murrizteko estrategien aplikazioa

Abstract

Lan honen baitan Field Programmable Gate Array (FPGA)tan aplikatu daitezkeen kon- tsumorako neurketa eta kontrolerako tekniken azterketa eta inplementazioa egingo da. Horretarako lehenik eta behin teknika hauei dagozkien teoria desberdinak garatuko dira, ereduez eta adibideez baliatuz. Hauen artean 2 teknika aztertuko dira nagusiki, Clock-Gating eta Dinamic clock reconfiguration . Hala ere beste hainbat teknika ere aztertuko dira, besteak beste, Datapath block eta Clock enable . Ostean, FPGAtan dauden elementuak potentziaren kontsumoan duten eragina azter- tuko da banan banan, baina orokortasun batean oinarriturik. Behin hau eginik, FPGAtan potentzia neurtzeko dauden tresnak aztertuko dira, estimazioetatik abiatuz, denbora errealeko neurketetaraino. Azkenik, aurrez ikusiriko teknikak inplementatuko dira FPGA diseinu-eredu batean, aurrez aipaturiko tresnak baliatuz potentziaren neurketa eta kon- trol dinamikoa egin ahal izateko. Emaitzak lortu ostean, hauek aztertuko dira tekniken egokitasuna analizatzeko, lanari amaiera emanez