| dc.description.abstract | Lan honen bidez, Berant Erdi Aroko Arrasateko udal dokumentazioren edizioen inguruan hitz egingo da, 1520 arte. Lehenengo eta behin, Eusko Ikaskuntzaren, Colección de Fuentes Documentales Medievales del País Vasco bilduma aztertuko da, Gipuzkoa eta Arrasateren kasuetan zentratuz. Horrez gain, dokumentazioaren inguruan eginiko beste lan batzuk ere aipatuko dira, Gonzalo Martínez Díez-ek zuzendutako Documentos medievales de las villas guipuzcoana lanari garrantzia emanez. Jarraian, lanaren muinean sartuko da; Arrasaten inguruan hitz egiten duten argitaratutako dokumentuen sailkapen eta datuen sistematizazioa egiten saiatuz. Horretarako, lehendabizi agiriak kronologikoki banatuko dira, mendeak 25 urteko tartetan banatuz eta honen komentario bat egingo da. Ondoren, agiriak egilearen arabera banatu eta komentatuko dira, gehien bat Probintzia eta Udal agiriak azpimarratuz. Bukatze aldera, dokumentu hauek islatzen dituzten gai historikoak azalduko dira, beti ere, Arrasate, Gipuzkoa eta garaiko Testuinguruan kokatzen ahaleginduz. Amaitzeko, lan amaitzean, aurrez adierazitako guztia kontuan hartuta atera diren ondorioak argitzen saiatuko da, ikerketak aurrera eramateko zer egin daitekeen argitzen ahaleginduz. | |
Back