Arduino hezkuntzarako: azterketa, ikastaroa eta adibide praktiko bat

Abstract

Proiektu honek konputagailuen ingeniaritza eta irakaskuntza arloak lotzea du helburu. Alde batetik, Arduinok hezkuntza-maila desberdinetan duen erabileraren azterketa egingo da, eta bestetik, proiektu zehatz baten identifikazioa eta inplementazioa egingo da. Garatuko den proiektua eklipseak ikusteko eta ulertzeko balioko duen eguzki-sistemaren zati baten eraikuntza izango da.

Horretaz gain, proiektuan ikasitakoaz baliatuz eta hezkuntza gustuko izanik, “Domotika, sentsore eta automatizaziorako lehen urratsak Arduino plataforma erabiliz” ikastaroa prestatzen eta ematen parte hartu da UEU-n (Udako Euskal Unibertsitatean).