| dc.description.abstract | Gerra Zibila eta Frankismoa garai ilunak izan dira Espainiako historian. Lan honetan zehar, garai horiei buruzko sortutako korronte historiografiakoak aztertuko dira, bertan memoria, iraganaren ezagutza eta salaketa helburu nagusia delarik. Aztertutako korronte eta egile ezberdinen argudioak, aditzera emango dute, Espainian 1939-1975.urte bitartean, genozidioaren ezaugarriak bete zirela azpimarratzen dute, hau, Frankismoko eta Gerra Zibilean erabilitako metodoen bitartez egin eta bermatu zirelarik. Lan honetan zehar, historiagile moduan, argudio eta korronte historiografiko horiek aztertu eta interpretatuko dira.
Azken hamarkadetan zehar, ikerketa ugari sortu izan dira, batzuk mundu akademikora bideraturik egongo direlarik, beste batzuk berriz, mundu sozialera bideratuak izan dira, bertan foruak, hitzaldiak, omenaldiak eta ikus-entzunezkoa materiala nagusitu egin direlarik. Guzti honek aditzera emango du gaur egongo gizartearen eta mundua akademikoaren premioa eta jakin nahia garai horiekiko.
Lanaren hasieran, Espainian Gerra Zibil eta Frankismoan zehar sortutako historiografia korronteak aztertuko dira, gaiaren nondik norakoak ulertzeko eta egoeran kokatzeko. Gero, genozidio kontzeptu beraren lanketa adieraziko da, modu honetan gaizki ulertuak ekiditeko eta irakurlea kontzeptuaren garrantziaz jabetzeko. Amaierako zatian, genozidio eta historiografiarenarteko lotura emango da, egile ezberdinen interpretazio ezberdinak plazaratuz, hauekin batera, ondorio eta gogoeta propioak azalduko direlarik. Lanean zehar, gaur egun dagoen eztabaida landu eta azaltzea izango da, hau da, eztabaida horren nondik norakoak analizatuz.
Adierazi daiteke, Espainiako Gerra Zibila eta Frankismoa gaur egungo gizartean min handia sortzen duen gaia dela. Historiagile moduan, interpretazioa burutzeko beharra ikuste dut, aldi berean, gizarteak eskatzen duen zehaztasun zientifikoaren beharrari bidea irekiz. | eus |
Back