Segurtasun kopiak burutzen dituen azpiegitura bat martxan jartzea

Abstract

Zer gertatuko litzateke ordenagailuan gordetzen den informazio guztia (dokumentuak, argazkiak, pasahitzak, posta elektronikoko mezuak etab.) galduko balitz? Gaur egun, informazioa eta datuak gordetzeko, bai etxean edota enpresetan ere, ordenagailua da erabiltzen den gailu nagusia. Enpresen kasuan, informazioa erritmo altu batean sortzen da, ondorioz, informazioa enpresaren nukleoa bihurtzen da. Hori dela eta, ez dago dudarik, enpresa batean informazioa dela garrantzitsuena eta baliotsua egiten duena. Datu galera saihesteko, argi dago segurtasun neurriak hartu behar direla sarean, sisteman eta garrantzitsuena, noizbehinka ahazten dena, segurtasun kopiak burutzea. Hori guztiarengatik eta dokumentuan zehar azalduko diren argudioengatik, egoitza batean segurtasun kopiak burutzen dituen azpiegitura bat martxan jartzea burutuko da. Lehenik eta behin, segurtasun kopiei buruzko kontzeptuen analisi teoriko bat egingo da. Ondoren, kontzeptu horiek segurtasun kopiak burutzen dituen programa batean aplikatuko dira. Gaur egun, segurtasun kopiak burutzeko hainbat programa erabili daitezke, hori dela eta, bi programa alderatuko dira, haien abantailak eta desabantailak aipatuz. Azkenik, segurtasun kopien egoera eta informazioa aztertzeko eta eskuratzeko script bat programatuko da, prozesua automatizatzeko.