Plastikoaren kutsadura Mediterraneo itsasoan: eredu lagrangearrean oinarritutako simulazioa

Abstract

[EUS] Gradu amaierako lan honetan itsasoko plastikoen kutsadura aztertuko da eredu lagrangearrean oinarritutako simulazioen bidez. Eskura ditugun baliabide konputazionalak murritzak izanik, nahitaezkoa da ikerketa burutzeko zonalde egoki bat aukeratzea. Alde batetik, simulazioek erresoluzio esanguratsu bat izan dezaten azalera ezin da nolanahikoa izan. Izan ere, kontuan hartu behar dugu azterketa eremuari gehitzen diogun puntu bakoitzeko gorde eta kudeatu beharreko datu kopurua handitu egiten dela. Bestetik, zonaldea itxia izatea komenigarria da partikulen kanporanzko zein barruranzko fluxuen estimazioak egiteko beharra ekiditen baitugu. Ezaugarri hauek dituzten zonalde asko defini daitezke eta, hauen artean, Mediterraneo itsasoa da interesgarrienetako bat.