Jarduera fisikoaren inguruko prokrastinazio maila lehen hezkuntzako ikasleengan: kasu ikerlana

Abstract

Ikerketa honen helburua jarduera fisikoaren prokrastinazioa aztertzea da, honakoa hainbat faktorerekin erlazionatuz aztertuko delarik; generoaren arabera, adinaren arabera, Gorputz Heziketako notaren arabera eta eskolaz kanpoko kirolaren arabera (testuingurua, lehiaketa, frekuentzia eta iraupena). Bertan, 10-12 urte bitarteko 89 ikaslek parte hartu zuten, denak ikastetxe berdinean ikasten dutelarik eta haien zeregina Procrastinacion en la Actividad física (PAF) galdetegia betetzea izan delarik. Emaitzetan desberdintasun esanguratsuak aurkitu dira lehiaren eta adinaren inguruan batez ere, lehiak jarduera fisikoaren prokrastinazioa gutxitzen duela eta adinak areagotzen duela ondorioztatuz, eta beraz, prokrastinazioaren inguruko programak diseinatzean bi alderdi hauek kontuan hartzea ezinbestekoa izanik.