Italia eta Eslovakiako pobrezia energetikoa 2007, 2011 eta 2015 urteetan

Abstract

Proiektu honek pobrezia energetikoaren egoeraren azken urteetako aldaketak aztertzea du helburu. Europa osoan izan zen krisialdi ekonomikoak ondorio larriak izan zituen, bai makroekonomian, baina baita etxebizitzetan, eta hauetako ondorio bat, pobrezia energetikoaren larritzea eta zabaltzea izan zen. Krisialdi ekonomiko larri honen ondorioak ondorengo urteetan zehar geratu dira sozietatean atxikirik eta oraindik ere herrialde batzuetan ez da lortu krisialdiaren aurreko egoerara bueltatzea. Hau, urteetan zeharkako pobrezia energetikoaren azterketarekin ikusi daiteke. Zoritxarrez, badirudi orain, Koronabirusaren larrialdiaren ondorioz, beste krisialdi sakon baterako bidean daudela herrialde asko. Ondorioz, pobrezia energetikoan dauden familien kopuruak gora egitea oso posible da, eta baita ere, pobrezia energetikoko egoeran dauden familien egoera larritzea. Lan honetan Italia eta Eslovakiako pobrezia energetikoaren egoera aztertuko da 2007, 2011, 2015 urteetan, eta ikusiko da krisialdiak pobrezia energetikoan eragin zuen gorakada bi herrialdeetan. Pobrezia energetikoaz gain, honen erakusle diren hiru gabezia ere aztertuko dira banan-banan, azterketa zehatzagoa egiteko asmoz. Hurrengoak dira aztergai hauek: ordainketetan zailtasunak izatea, itogin, pitzadura eta halakoak eta etxebizitzan tenperatura egokia mantentzeko ezintasuna. Guzti hau herrialde bakoitzean indibidualki eta urte bakoitzean aztertuko da, eta ondoren, bi herrialdeetako egoerak alderatuko dira. Lortutako emaitzak alderatzean, pobrezia energetikoa baldintzatzen duen faktore bat bilatzen saiatuko naiz. Honetarako datu hauez gain, herrialdeetako klima eta per capita Barne Produktu Gordina ere erabiliko dira. Honela, datuen arteko menpekotasunak ere aztertuko dira. Beste alde batetik, pobre energetikoen egoera hobeto aztertzeko asmoz, beste bi baldintza aztertuko dira. Aztertu nahi dena, pobrezia energetikoa isolaturik agertzen den arazo bat den ala ez da. Honela, pobrezia energetikoaren lotura aztertuko da beste bi arazo larrirekin, kadentzia material larria, eta errenta baxuak. Bi adierazle hauek pobrezia eta esklusio sozialerako arriskua aztertzeko erabili ohi dira AROPE adierazlearen arabera. Hau horrela, energetikoki pobreak diren familien artean ea zenbatek dituzten kadentzia material larriak edota errenta baxuak aztertuko da. Eta ondoren, pobre energetikoak ez direnen datuekin alderatuko dira emaitzak. Honek, pobre energetikoen egoera hobeto ezagutzen lagundu dezake. Horrela, pobre energetikoen eta gainerako populazioaren arteko egoera diferentzia kalkulatuko da bi irizpide hauen arabera, eta ondorioztatu ahalko da eta pobrezia energetikoak, loturarik duen beste bi arazo hauekin.