Terrorismoko biktimen dolua gainditzeko ekimenak: S(u/a)minetik Bakera esperientzia

Abstract

Ikerketa honekin terrorismo biktimen dolua eta trauma aztertu, bigarren mailako biktimizazioa minimizatu eta ongizatea hobetzen dituzten programa eta teknikak aztertu nahi dira ETA eta Estatuko terrorismoaren biktimen kasuak aztertzearen bidez. Programa ezberdinen gainbegirada egin, eta S(u/a)minetik bakera esperientzia ikus-entzunezko/artistikoaren ikasketak mahai-gaineratu nahi dira. Horretarako, lehenengo atalean, azterketa teoriko bat egingo da biktimen trauma eta doluen definizioa eta kategorizazioaren inguruan, ondoren, gai honetan kontuan izan beharreko kontzeptuak azalduko dira, hala nola; terrorismoa eta Estatuko terrorismoa, biktimen biktimizazioaren kausa eta ondorioak, biktimizazioa, eta memoria, justizia eta justizia leheneratzailea. Jarraian Espainia eta Ipar Irlandaren arteko konparaketa egingo da biktimen egoeraren ikuspuntutik. Ondoren, euskal gatazkaren testuingurua azalduko da eta Eusko Jaurlaritzak biktimen alde egindako programa eta ekimen ezberdinak aztertuko dira: Batera Konpromezua, Gertu eta Eraikiz programa. Baita beste elkarte eta erakundeek memoria eta biktimei laguntzeko programa eta jarduera batzuk identifikatzen ere saiatuko da lan hau. Azken zatian, S(u/a)minetik Bakera esperientzia sistematizatuko da, eta doluaren kudeaketa kolektiboaren alderdi positiboei eta horiek Euskal Herriko bizikidetza eta bakea eraikitzeko dituzten ondorio erreparatzaileei balioa emango zaie. Esperientzia horren inguruan ahalik eta gehien sakontzeko hiru elkarrizketa egingo dira: Iñaki Peña ikus-entzunezkoaren egilea, Olatz Etxabe Estatuk terrorismoaren biktima, eta Sandra Carrasco ETAren biktima.