Abiadura tenisean eta tenislari gazteetan: errebisio bibliografikoa

Abstract

Tenisa oposiziozko kirol bat da, zeharkako aurkariekin eta txandakako parte hartzearekin. Bertan jokalariak banatzen dituen oztopo edo sare bat existitzen da, modu honetan, jokalari bakoitza sarearen alde ezberdinetan kokatuz. Kokapen honetatik izango da jokalariek kolpeak egin beharreko lekua. Bestalde, banakako modalitateaz gain, bikoitza ere existitzen da, non jokalarien arteko kolaborazio-oposizioa ematen den. Jokoaren helburu nagusia pilota sarearen alde batetik bestera desplazatzea da. Kirol hau alderdi handi batean inguruaren eta aldagai aldagarrien menpe dago, ondorioz, jokoan zehar bere ziurgabetasun maila oso handia izan daiteke. Tenisa ezagutzen den moduan, XIX.mendearen bukaeran praktikatzen hasi zen eta munduko herrialde gehienetan kirol guztien artetik ospe handienetarikoa duen kirola da. Baina ez zen “Open era” bezela ezagututakora arte, hau da, 1968ra arte, tenisa gizartean kirol eta ikuskizun moduan garrantzia handia hartu zuela. Garai honetan arautegi berriak ezartzen dira, adibidez; jokalari profesionalak txapelketa mota guztietan parte hartu zezaketela, zeina Tenislari Profesionalen Asoziazioaren (ATP) eta Emakume Tenislarien Asoziazioaren (WTA) sorrerarekin batera, eboluzioareko gertakari garrantzitsuak izango diren.