Gorputzeko konposizioa eta gaitasun kardiorespiratorioa ariketa fisiko konkurrentearen aurrean eta ondoren eskizofrenia duten pertsonetan: CORTEX-SP ikasketa

Abstract

Helburua: Gorputzeko konposizioa eta gaitasun kardiorrespiratorioa aztertzea ariketa fisiko (AF) konkurrente programa baten aurretik eta ondoren, eskizofrenia duten pertsonetan. Metodoa: Eskizofrenia duten pertsonak (n=59) kontrol talde batean (KT, n=49) eta ariketa fisiko talde (AFT, n=11) batean banatuak izan ziren. Interbentzioaren aurretik eta 20 asteko interbentzioaren ondoren entrenamendu konkurrente batean oinarrituta (bizikletan 20 minutuko intentsitate altuko interbal entrenamendua eta beste 20 minutuko indar-erresistentzia entrenamendua), bi taldeei gorputz konposizioko [gorputzeko masa, gorputzeko masa indizea (GMI), gantz-masa (GM), gantz gabeko masa (GGM) eta gerri-perimetroa] eta gaitasun kardiorrespiratorioko [oxigeno kontsumo pikoa (VO2pikoa) eta indize metabolikoaren pikoa (METpikoa)] balorazio bat egin zitzaien bioinpedantzia eta ergoespirometria proba-baten bitartez hurrenez hurren. Emaitzak: interbentzioaren ondoren AFT-k ez zuen aldaketa esanguratsurik (p>0,05) izan gorputz konposizioko aldagaietan, eta KT-k ordea, gorputzeko masan (Δ=%2,44), GMI-n (Δ=%2,82) eta gerri-perimetroan (Δ=%3,03) balioak gehitu zituen p<0,05). Gaitasun kardiorrespiratorioan, AFT-k VO2pikoa-balioak gehitu zituen (p<0,001) bai balio absolututan (Δ= %20), bai erlatiboetan (Δ= %20,5) eta METpikoa (Δ= %19,7); KT-k, berriz, VO2pikoa balio erlatiboetan jaitsi (p>0,05) egin zuen (Δ=-%6,64). Konklusioa: Eskizofrenia pairatzen duten pertsonetan AF-aren konkurrenteko programa batek gorputz konposizioko balioak mantentzen laguntzen du, eta bestetik, gaitasun kardiorrespiratorioan hobekuntzak eragiten ditu.