| dc.description.abstract | Lan honetan, landareetan oinarritutako dieta batek kirol errendimenduan eragiten dituen efektuak aztertzen dira. Gai honen inguruan, interes orokorra handitzen joan da azken urteetan. Izan ere, aurretik egindako hainbat ikerketetan landareetan oinarritutako dieta bat osasunean onuragarria izan daitekeela ikusi da eta errendimendu fisikoan ere eragin ahal dituen efektuekiko jakin-min handia sortu da. Baina, kirolarien artean dieta mota hauek defendatzen ez dituzten iritzi asko egon dira, nahikoak ez direla diotenak. Hori dela eta, errebisio honen bidez, osasunean onuragarriak diren dieta mota horiek errendimendu fisikoan ere onuragarriak edo, askok dioten bezala, kaltegarriak diren argitzea lortu nahi da. Horretarako, bilaketa zehatz bat egin da eta landareetan oinarritutako dietak errendimendu fisikoarekin erlazionatzen dituzten zortzi artikulu aurkitu dira. Zortzi artikulu horien azterketa sakon bat egin ostean, horietako ikerketa bakoitzean lortutako emaitzak batu eta eztabaidatu dira errebisio honen ondorioak garatzeko.
Aurreko guztia egiterakoan, ikerketa falta nabarmena nabaritu da, gai hau zehazki ikertzen duten artikulu gutxi daude. Gainera, dauden ikerketa gutxiek faktore nahiko ezberdinak ikertzen dituzte. Hori dela eta, errebisio bibliografiko hau aurrera eramaterako orduan, aurkitutako ikerketa guztien emaitzak batzean eta ondorioak ateratzean konplikazioak egon dira. Hala ere, lan honetan, landareetan oinarritutako dieta batek errendimendu fisikoa kaltetzen ez duela konfirmatu daiteke. Gainera, errendimendurako onuragarriak izan daitezkeen hainbat faktoreetan aldaketa positiboak eragiten dituenez, ezaugarri hauek betetzen dituen dieta bat errendimendurako lagungarria izan daiteke. Orokorrean, nutrizioak errendimendu fisikoan eragin handia daukala guztiz egiaztatu da eta kirol arloan faktore honi berebiziko garrantzia eman behar zaiola ikusi denez, kirolarien dietaren antolaketa zehatz baten beharra ezinbestekoa dela baieztatu daiteke lan honetan. Aipatutakoan oinarrituz, ateratako ondorio nagusia hurrengokoa da: Nutrizioari dagokionez, dieta mota baino, dietaren antolaketa da kirolarien emaitzetan eragin handiena duen faktorea, nutriente eta energia eskaera guztiak asetzeko antolaketa on bat ezinbestekoa delako. Bai dieta orojale, zein landareetan oinarritutakoak, errendimendua oztopatu dezakete ondo antolatuta ez daudenean. Honekin, landareetan oinarritutako dieta batek, errendimenduko eskaerak asetzeko dieta orojale batek bezalako gaitasuna daukala baieztatu daiteke. | es_ES |
Back