Datu babeserako eskubidea covid garaian: oinarrizko eskubide baten mugaketa hiru-mailako berme sisteman.

Abstract

[EU] Covid-19ko egoerak osasun-arduradunak muturrera eraman ditu, eta ondorioz, estatuek beraien esku dituzten medio guztiak zabaldu behar izan dituzte egoera kontrolatzeko. Hain zuzen, estatu desberdinen esperientziak erakutsi du herritarren datuen kontrola dela pandemiari aurre egiteko metodo eraginkorrenetariko bat. Aitzitik, datu babeserako eskubideak interesdunaren kontsentimendua du oinarri, eta populazioan zehar kontsentimendu nahikoa lortzeko ezintasunak, Europako arduradunek kontuz handiarekin jokatu izana ekarri du. Honen aurrean, ezinbestekoa zaigu galdetzea gure oinarrizko-eskubideen hiru-mailako berme sistemak, Europako Kontseiluak, Europar Batasunak eta Espainiako Konstituzioak osatua, ahalbidetzen ote duen datu sentsibleen tratamendua, interesdunaren kontsentimendurik gabe, pandemia geratzea izanik tratamenduaren helburua. GrALaren ondorioa da lehenengo pausua bai pasa daitekeen arren, Europar Batasunak ez duela oinarri nahikorik ematen halako erabakietarako, eta beharrezkoa litzatekeela garapen estatal bat. Azkenik, argia da Espainiako eraentza juridikoak ez duela ziurtasunik ematen gai honen inguruan, eta beraz, etorkizuneko lanak beharrezkoak izango direla. Lanaren metodologia lan akademiko, araudi eta jurisprudentzia desberdinen arteko bilketa da.