Juliet: eguneko albisteak lortzeko chatbot-a

Abstract

Lan honen helburua eguneko albisteak emateko gai den Juliet chatbot-a sortzea eta Telegram aplikazioarekin integratzea da. Horretarako, hizkuntzaren prozesamenduko beste tresna batzuk ere erabili behar izan dira, adibidez, scraping, tokenizazioa, lematizazioa, kategoria gramatikalen etikatzea eta informazio-erauzketa. Lan honi dagokionez, lehenik eta behin garapenean erabili diren teknika eta tresna desberdinen oinarri teorikoak azal- du dira. Ondoren, sistemaren arkitekturari eta honen funtzionamenduari buruzko argibi- deak eman dira. Azkenik, sortutako dialogo-sistemaren kalitatea neurtzeko, ebaluazio- protokolo bat definitu da, eta protokolo hori jarraituz, chatbot-aren ebaluazioa egin da. Ondorio nagusi bezala, dialogo-sistemak emaitza onak eman ditu eta, zenbait hobekuntza eginez gero, gure egunerokotasunerako oso erabilgarria izan daiteke. Gainera, garatutako arkitektura beste esparru batzuetan aplikagarria izateko zabal daiteke.