Grafenoaren erabilera zelula fotovoltaikoetan

Abstract

Azken urteotan aurrerapen asko eman dira grafenoaren ikerkuntzan. Esatearren, aurrerapen garrantzitsua eman da grafenoaren eskala handiko erauzketan. Bere karbono sare kristalinoak erresistentzia mekaniko izugarriak, eroankortasun elektriko eta termiko itzelek, iragazgaiztasunak eta beste hainbat propietate ikusgarriek aplikazio askotarako material interesgarri bihurtzen dute. Lan honetan, grafeno puruaz gain honen deribatu desberdinen aplikazioa ere aztertu da. Horrez gain, gaur egun erabiltzen diren erauzketa metodo desberdinak alderatu dira. 2015. urtean 55 herrialdetako ordezkariak batu ziren klima aldaketari aurre egin nahian Pariseko hitzarmena sortzeko. Hitzarmen honen helburua mundu osoko berotegi-efektuko gas emisioen murrizketa ziurtatzea izan zen, klima aldaketari aurre egiteko. Horrezkero, energia berriztagarrietan inbertsio handiak egin dira eta trantsizio energetikoa bultzatu da. Lan hau energiafotovoltaikora mugatzen da, grafenoak bertan izan dezakeen ekarpena aztertuz. Grafenoa hirugarren generazioko zelula fotovoltaikoetan aplikatu da eraginkortasuna hobetu nahian.Lan honetan, hiru zelula fotovoltaiko mota desberdinen nolakotasuna eta grafenoak hauetan bete dezakeen funtzioa azaldu da. Azkenik, energia fotovoltaikoaren zein grafenoaren gizarte, ekonomia eta ingurumen alorretako inpaktuak aztertu dira. Energia fotovoltaikoak berak berotegi-efektuko gas emisiorik ez duen arren, zelula zein panel fotovoltaikoen produkzioa eta beharrezko materialen erauzketa kontuan hartu behar da inpaktu erreala aztertzeko. Horrez gain, panel fotovoltaikoen balio-bizitza eta ondorengo hondakin kudeaketa aztertu da.