| dc.description.abstract | Bihotz-gutxiegitasuna (BG) arazo kliniko eta osasun publikoko arazo garrantzitsu bat da, mundu osoan 23 milioi baino gehiagoko prebalentziarekin. Gainera, azkenengo harmarkadetan handitu da, bereziki adinduen artean. Esate baterako, Estatu Batuetan, BG-ren prebalentzia %23an handitzea espero da 2012. urtetik 2030-era. BG-ren ondoriozko heriotza-tasa, morbilitatea eta osasun-gastua esanguratsuak dira eta Europako herrialde askotan osasun-aurrekontu osoaren ia %2a osatzen du. BG sindrome kliniko bat da. Diagnostikorako, bi baldintza bete behar dira: 1) bihotzeko anomalia estruktural edota funtzional batek eragindako sintoma edota zeinuak izatea eta 2) peptido natriuretikoen maila altuak edo birika-pilaketaren edo sistema kardiogenikoaren ebidentzia objetiboa izatea. Mendebaldeko eskualdeko paziente gehienen BG-ren etiologia arteria koronarioen gaixotasuna, gaixotasun balbularra, hipertentsioa eta kardiomiopatia dilatatua dira. BG NYHA sailkapen funtzionalarekin I-IV eskala batean sintomak eta gaitasun funtzionala mailakatzen da, BG sintomatikoa (C estadioa) edo BG aurreratua (D estadioa) duten pazienteetan. Alde batetik, sintoma ohikoenak hurrengoak dira: disnea, ortopnea, gaueko disnea paroxistikoa, ariketarekiko tolerantzia murriztua, nekea, orkatilaren hantura, ariketa fisikoa egiteko ezintasuna, orkatilak ez diren beste gorputz-atalen hantura eta bendopnea. Bestetik, zeinu espezifikoak presio benoso jugular handia, hirugarren bihotz-hotsa, lauhazka-erritmoa hirugarren eta laugarren bihotz-hotsen batuketarekin, kardiomegalia, bulkada apikalaren desplazamendu laterala, errefluxu hepatojugularra eta BG aurreratuan Cheyne-Stokes-en arnasketa dira. BG aktibazio neurohormonalarekin eta kontrol autonomoko anomaliekin lotzen da eta honen ondorioz sodioa eta ura atxikitzen dira. Beraz, pazienteen nutrizio-estrategiak autozainketetan zentratzen dira, sodioaren eta likidoen murrizketa barne, bolumen-gainkargako gertakari akutuen arriskua murrizteko. | es_ES |
Back