Dovlatoven "Konpromisoa" eleberriaren euskarazko itzulpenaren azterketa: SESB euskal irakurlearen ikuspegitik ikusita

Abstract

Lan honetan Dovlatoven Konpromisoa eleberrian topatzen diren erreferentzia kulturalen euskarazko itzulpena aztertuko dugu. Horretarako, corpusgintzan oinarritutako metodologiari jarraikiz, adibideak corpus elebidun batean (RU-EU) bildu eta sailkatu ditugu, itzultzailearen lana aztertu ahal izateko. Lan honen helburu nagusia, euskal irakurleak eleberriaren euskarazko itzulpena irakurtzerakoan Sobietar Batasunarekiko jasotzen duen ikuspegia ezagutzea da, itzultzaileak jatorrizko testuak helarazten dituen ideia eta kontzeptuak modu egokian itzuli dituen ala ez aztertzeko, eta itzulpen-prozesuan sortzen diren zailtasunen aurrean, itzultzaileak egin ditzakeen hautuak ezagutzeko.