| dc.description.abstract | Médico Interno Residente (MIR) oso garrantzitsuak diren azterketak dira, Espainian mediku graduatuek egiten dituzte beraiek nahi duten espezialitatean formatzeko. Azterketa horien ebazpenak publikoak ez dira eta gainera, ez dago ia literaturarik MIR azterketetako galderak ebazteko eraikitako sistema desberdinen inguruan. Hori dela eta lan honen helburua MIR azterketak ebazteko sistema bat eraikitzea da.
Horretarako, hasteko, medikuntza ezagutza-base handi, aberats eta eleaniztun bat sortu da ezagutza-base desberdinen informazioa bateratuz. Ondoren, aukera egokia iragartzeko asmoz, metodo desberdinak erabiltzen dituzten bi sistema eraiki dira. Batek, sortutako ezagutza-basean dagoen informazioaz baliatuz erantzun egokia iragarri eta arrazoituko du. Besteak, aldiz, lan bat oinarritzat hartuz, ikasketa automatikoko metodoak, hizkuntza-ereduak batez ere, erabiliko ditu erantzun zuzena iragartzeko. Egindako esperimentuek ataza honen zailtasuna agerian jarri dute. Izan ere, bi hurbilpenekin egindako esperimentuetan behin baino ez da %50eko zehaztasuna gainditu. Hala ere, oinarritzat hartu den ereduaren emaitzak hobetzea lortu da, laneko 0,37ko zehaztasuna eta bere eredua gure datuetan ebaluatuz lortutako 0,44ko zehaztasuna, 0,47ko zehaztasunarekin hobetu da. Bestetik, lanaren mugak gainditu dira. Eraikitako eredu berri baten bidez 5 erantzun dituzten galderak ebaztea lortu da eta ezagutza-baseekin horretaz aparte, beste hizkuntza batzuetan idatzita dauden azterketak ebaztea lortu da. Gainera, ezagutza-base oso baliagarri eta aberatsa sortu da aplikazio desberdinak izan ditzakeenak etorkizunean. | es_ES |
Back