Ikaskuntza sakona (deep learning) tekniken azterketa eta erabilpena burmuin erretraktore baten kontrolean.

Abstract

Indartze bidezko ikaskuntza egunez egun garrantzi handiagoa hartzen duen teknika da. Oinarrizko kontzeptua “proba eta errorea” da. Agente bat, gure robotaren irudikapen birtuala izango dena, ingurune batekin elkarreragiten du zeregin bat egiteko. Sari-sistema baten bidez eta entrenamendu baten ostean agenteak bere helburua betetzeko irtenbiderik onenarekin amaitzen du. Teknika hau medikuntzaren arloan praktikan jartzen ari da azkenaldian. Halaber, ez da hura erabiltzeko saiorik egin garunaren erretrakzioa maniobra egiteko orduan. Maniobra hau burmuinaren tolesdura naturalak irekitzean oinarritzen da, horrela burmuinaren zati sakonagoetara iritsi ahal gaitezke. Honek estres handia eragiten du burmuinean eta ebakuntza osteko traumak eragin ditzazke. Hori dela eta, lan honetan agente ingurune eta sari-sistema bat eraiki da, arazo honi aurre egiten diotenak. Honela arazoari konponbide optimo bat aurkitu zaio, ikaskuntza sakona erabiliz.