Viandar de Sota: Dibersifikazioak kontrolatu edo areagotu egiten du enpresa-arriskua?

Abstract

Kasuak deskribatzen du Tomas Larreak, ”El Viandar de Sota” gastronomia-proiektuko administrari bakarrak, aurre egin beharreko egoera 2003ko maiatzean. Bost urte lehenago lehiakide batek Larreatarren supermerkatu izarraren parean ezarri nahi zuen eta Tomasek bere supermerkatuen enpresa-proiektua babestu nahian, ostalaritzako enpresa-proiektu bati ekin behar izan zion. Erabaki beharra zuen ZARA modaren nazioarteko kateak beraren gastronomia-proiektua kokatzen zen lokalen alokairu-kontratua eteteagatik eskainitako kalte-ordaina onartu edo ez. Beste 10 urterako zuen kontratua, baina ZARA oso interesatua zegoen lokal horiek berak alokatzearekin.

Tomas Larreak 360.000€ko proposamena jaso zuen; nahiz eta metatutako galerak ez osatu, eragiketaren unean dirua lortzeko aukera emango zion, bere betebeharrik berehalakoenei aurre egiteko aukera, hala nola, langileen kitapenak, eta bost urte lehenago hasitako abenturaz ahaztu eta supermerkatuen negozioan zentratu ahal izateko aukera.

Baina Tomasek argia ikusia zuen 500.000€ galarazi zizkion tunelaren amaieran eta, hain zuzen ere, berpizten hasia zenean, kalte-ordainaren proposamena jaso zuen.

Tomas Larreak supermerkatuen enpresa-proiektua kudeatzen zentratu behar zuen metatutako galerak kenduko ez zizkion kalte-ordaina onartuta, edota, alderantziz, menperatzen hasia zen eta enpresa-arriskua dibertsifikatzeko aukera emango zion gastronomia-proiektuarekin jarraitu behar zuen?