Prostatako minbizia duten pazienteen antsietatean eta depresioan, ariketa fisikoak duen eragina

Abstract

Sarrera: Beste minbiziek bezala, prostatako minbiziak eragin zuzena du gaixotasun hau jasaten duen pertsonaren osasun mentalean, antsietatea eta depresioa bezalako asaldura mentalak sortuz. Biztanleri osasuntsuan nahiz bularreko minbizia duten emakumeetan ariketa fisikoa eraginkorra da antsietatea eta depresioa murrizteko, baina prostatako minbizia duten pazienteen kasuan oraindik ez da nahikoa ikertu. Helburuak: Lan honen helburu nagusia prostatako minbizia duten pazienteen antsietatea eta depresioa murrizteko, ariketa fisikoak duen eragina aztertzea da. Metodologia: Lana garatzeko errebisio narratibo bat burutu da eta PIO egitura erabili da horretarako. Bilaketa bibliografikoa burutzeko datu base desberdinak erabili dira. Bilaketa mugatzeko operadore bolearrak eta iragazkiak erabili dira, baita barneratze eta baztertze irizpideak ere. Azkenik, web-orriak erabili dira informazio osagarria lortzeko. Emaitzak: Ariketa aerobikoa ariketa mota eraginkorrena izan da antsietatea eta depresioa murrizteko eta ariketa programa luzeak nahiz ertainak eraginkorrenak izan dira. Horretaz aparte, ariketa fisikoak nekean eta bizi kalitatean ere eragina izan du. Azkenik, osasun profesionalen esku hartzea ariketa fisikoa sustatzeko ezinbestekoa dela ikusi da, prostatako minbizia duten pazienteen prozesu terapeutikoan barneratuz eta indartuz. Eztabaida: Aztertu diren artikulu gehienetan, antsietatea eta depresioa murriztu dira ariketa fisikoari esker, hainbat onura eskeiniz osasun mentalari dagokionez. Baina beste artikulu gutxi batzuetan ez dira aldaketak eman, ikerketa sakonagoen beharra azpimarratuz. Izan ere, prostatako minbizia duen biztaleriaren gehiengoak ez du ariketa fisikoa burutzen. Horren harira, osasun profesionalek ariketa fisikoa sustatu eta osasun hezkuntza eskeini behar dutela nabarmendu behar da, pazienteak ariketa fisikoko programetara bideratuz eta hauen prozesu terapeutikoan barneratuz. Ondorioa: Ariketa fisikoak prostatako minbizia duten pazienteen egoera fisikoan nahiz piskologikoan sortzen dituen onurak ikusi ondoren, osasun profesionalengandik heziketa programak eskeintzea eta epe luzeko nahiz ertaineko programetara bideratzearen garrantzia nabarmentzea beharrezkoa da. Horrela, pazienteak ezagutza handiagoa izango du ariketa fisikoaren inguruan eta hau praktikatzera motibatuko du, prostatako minbiziarengatik bizitako antsietatean edo depresioan laguntzeko asmoz.