5G sareetan VNF funtzioak modu optimoan kokatzeko software baten diseinua eta inplementazioa

Abstract

Telekomunikazioen esparruan, 5G sareen hedapena aurrerapen erabakigarria da gero eta handiagoak diren konektibitate- eta zerbitzu-kalitatearen eskaerei erantzuteko. Sare horien eraginkortasuna eta malgutasuna maximizatzeko funtsezko teknologietako bat sare-funtzioen birtualizazioa da (NFV), baliabide konputazionalak modu optimoan kudeatzeko aukera ematen baitu sare-funtzioak modu birtualizatuan inplementatzean. Ikuspegi hori bereziki garrantzitsua da misio kritikoko zerbitzuetarako, horietan fidagarritasuna eta azkartasuna funtsezkoak baitira komunikazioen segurtasuna eta errendimendua bermatzeko. Proiektu honen helburu nagusia 5G sareetan VNF placement optimoa egiteko gai den software bat diseinatzea eta inplementatzea da, misio kritikoko zerbitzuen kalitatea hobetzeko. Solver-etan oinarritutako optimizazio-soluzioak integratuz eta erabiltzaile-interfazerako tresna ezberdinak arakatuz, baliabideen erabilera minimizatzea eta sareen eraginkortasun operatiboa maximizatzea helburu duen sistema bat garatu da. Gainera, sare horietan NFVaren aplikazioa hobetu dezaketen metodologia eta teknologia desberdinen azterketa sakona egin da.