12 asteko indar lan gehigarriaren eragina iraupen-lasterketari herrikoien errendimenduan

Abstract

Ikerketa honen helburua erresistentziako entrenamendu bati loturiko 12 asteko indar lan gehigarriaren eragina aztertzea da iraupen-lasterkari herrikoietan. Horretarako, partehartzaileak bi talde ezberdinetan banatuko dira, talde bakoitzak entrenamendu ezberdin bat burutzen duelarik: talde batek erresistentziako entrenamendua egingo dute eta besteak erresistentziakoa eta indarrekoa. Taldeak ausaz egin ondoren hasierako froga batzuk egingo dira, planifikazioaren amaierakoekin alderatzeko, hala nola: indarreko testak (High Jump, Squat Jump eta Countermovement Jump) eta erresistentziako froga (Cooper). Hasierako zein amaierako frogak egin ondoren ikusi da indarreko entrenamendua egin ez dutenek beraien baloreak okertu edo mantendu dituztela indarreko testak osatzen zituzten HJ (198,75 cm ± 12,41 pre – 199,75 cm ± 10,68 post), SJ (35,08 cm ± 3,63 pre – 29,85 cm ± 3,95 post) eta CMJ-an (38,45 cm ± 5,60 pre - 35,10 cm ± 5,08 post) eta hobetu erresistentziako froga zen Coperrean (3082,5 m ± 125,79 pre – 3205 m ± 42,03 post). Indarreko entrenamendu egin zutenek ordea beraien emaitzak mantendu edo hobetu zituzten HJ (203,25 cm ± 33,78 pre - 210 cm ± 36,12 post), SJ (29,95 cm ± 7,04 pre - 31,03 cm ± 5,70 post) eta CMJ (37,83 cm ± 12,31 pre – 37,55 cm ± 9,37 post) indar testetan zein Cooper erresistentziako frogan (3292,5 m ± 123,65 pre – 3315 m ± 46,54 post). Hala ere, aldagaien arteko ezberdintasuna aztertzerako garaian beraien arteko efektu tamaina txikia dela ikusi da, beraz esan dezakegu ez direla aldaketa esanguratsuak. Indarreko taldeak gehiago hobetu behar zuen gure hipotesiaren aurka, efektu tamaina handia izan dute indarreko entrenamendua egin ez duten taldeko hasierako zein amaierako Cooper frogak Cohen’s d-ko 1,3ko balorearekin eta bi taldeen arteko amaierako Cooper frogak 2,48ko emaitzarekin, indarra egin ez dutenen alde. Datuen arabera esan daiteke indarreko entrenamenduak ez duela eragin positiborik korrikalari herrikoietan baina datu hauek ezin daitezke orokortu laginaren tamaina txikiagatik eta taldeen arteko heterogeneotasun maila altuagatik (Cohen’s d-ko 1,04ko balioa taldeen adinean eta 1,75 10km-ko marka kontuan hartzen badugu), beraz indarraren inguruan gehiago ikertu behar da lagin handiagoak erabiliz.