Lehen hezkuntzarako ekitaldi hezitzailea antolatzen eta sortzen

Abstract

Proiektu proposamen honetan, hiru ezagutza arloek parte hartuko dute bere herena lantzen. Honela irakasgaiaren %100 osatuko da PBL irakaskuntza modalitatean. Jarraian azaltzen dugun Proiektuan, hiru ardatz nagusi proposatzen ditugu: I.- Enpresa sortu II.- Diseinua egin III.- Ekitaldiaren antzezpena (Taularatzea). Horrek gelako taldearekin hiru dinamika mota emango dizkigu. Hiru ardatz hauek lantzeko erlazioan dauden hiru galdera eragile proposatzen ditugu, alde teorikoa eta praktikoa ahalbideratzen: • Nola eratuko zenuke haurrentzat ekitaldi hezitzaileak antolatzeko enpresa bat? • Nola diseinatuko zenuke ekitaldi bat, zer pausu jarraitu? • Antzezpena: nola gauzatuko zenuke ekitaldia? Ikasleei honako arazoa planteatuko zaie:

Eskola bateko guraso elkartearen aldetik eskaera hau jaso duzue: kurtso amaieran eskolan antolatuko den ekitaldia prestatzea. Eskaera honi aurre egiteko enpresa bat sortu beharko da, non ekitaldiaren elementu guztiak kontutan hartzen diren: azpiegiturak, artistak, baliabide materialak eta teknologikoak, espazioak… Enpresak gero, zer ekitaldi eramango duen aurrera erabaki beharko duzue, diseinatu eta antzeztu/taularatu.