Neuronetako proteina palmitoilatuen detekzioa, identifikazioa eta ikusaraztea klik kimika bidez

Abstract

[EUS] Lan honetan neuronetan palmitoilazioa aztertzeko jarraitu beharreko protokolo ezberdinen garapena eta optimizazioa egitea lortu dugu. Klik kimikan oinarrituz eta gantz-azido analogo alkinoak eta erreportari azidak erabiliz, gai izan gara palmitoilatutako proteinak modu espezifikoan detektatzeko, identifikatzeko eta ikusarazteko.

Zelula mailako frogapenak soilik direla ahaztu gabe, uste dugu deskribatutako protokoloak baliagarriak izan daitezkeela etorkizun hurbil batean palmitoilazioa organo mailan, kasu honetan burmuin mailan, in vivo aztertzeko.