Kiroletako matematikak

Abstract

Eguneroko bizitzaren zenbait arlotan Matematikak aplika daitezke, eta nola ez, kirol-munduan ere bai. Nabaria denez, kirola ariketa fisikoan oinarrituta dago eta beronen prozesua teorikoki azter daiteke. Kirol bakoitzaren bilakaeran parte hartzen duten baldintzak kontuan hartuz, eredu matematiko baten barruan sar daitezke. Ondorioz, kirolariaren teknika hobetuz, bere indarretik etekin handiagoa aterako du. Gezurra badirudi ere, etekin altuko zentro batzuetan mota honetako ikerketak aplikatzen ari dira kirolariekin. M. Stewart Townend-ek "Mathematics in sport" liburuan kirol ugariri buruz egindako azterketa matematikoak argitaratu zituen oso era ulergarrian. Lan honetatik kirol nagusienetako ondoko hiru adibideak hautatu ditugu azaltzeko: lasterketak, jaurtiketak eta jauziak.