Durangoko kultur zentroa. Durango (Bizkaia)

Abstract

Herriaren beharrak kontutan izanda, eta trenaren lurperatzearekin zabaldutako ardatz garrantzitsu bat osatzeko asmoarekin orube hotan “Gaur egunko teknologia eta beharretara egokitutako Kultur Zentroa egitea komeniko litzateke, eta honetan oinarrituko da proiektua. Interbentzio honen bitartez, herriko ardatz garrantzitsuenetariko bat osatuko da, orain arte bitan banatuta bizi izan den herria “Ekipamendu Banda” forma duen ardatz berri batez bateratuz eta berregituratuz. Honez gain, herriak duen hutsune eta behar garrantzitsu ugariri erantzuna emateko gai izango den instalakuntza bat sortuko da. Batetik herriak ez du herritarren eskura inongo elkartze ezta konferentzia gunerik, eta herriko elkarte eta fundazioek ez daukate inongo laguntza ezta erraztasun logistikorik beraien egitasmoak (horietako asko herriarentzako oso lagungarriak) aurrera eramateko. Bestetik herritarrek, gizabanako bezala, ez daukate inongo espaziorik ekintza kultural zein ikasketa ekintzak burutzeko; badago liburutegia baina espazio zein erabilpen aldetik oso urria da, beharrak eta herriaren magnitudea konututan izanda. Proiektuaren Programa Herritarren behar kulturalak betetzeko eta hauei egokitzeko gai den espazio bat sortzea da helburua. Denboran zehar erabilpen anitzak izan ditzakeen espazioa izango da, eraldatzaeko ahalmena izango duena. Espazio hauen artean, ikaskeko espazioak, konferentzia eta batzar-gela, mota anitzerako artea praktikatu, irakatsi eta erakusteko espazioak etab. izango ditu.