Zauri kronikoetako biofilmari aurre egiteko tratamenduen eraginkortasuna
Laburpena
Esparru kontzeptuala eta justifikazioa: Zauri kronikoen konplikazioen artean biofilma aurkitzen da. Biofilma bakteriei, agente antibakterianoetaz, inguru girotik eta ostalariaren erantzun immunitariotik babesten die, zauri kronikoen eboluzio denbora luzatuz eta haren egoera okertuz. Ikusita zauri kronikoek gizakien bizi kalitatean duten eragina, biofilmarekin duten lotura eta gainera adin nagusiko pertsonetan zauri kronikoen intzidentzia maila areagotzen doala, garrantzitsua izango liteke jakitea zer tratamendu erabili behar den biofilmari aurre egiteko. Izan ere, erizainek zauri kronikoen eguneroko zainketaz arduratzen diren profesionalak dira.
Helburua: Biofilma daukaten zauri kronikoen aurkako eraginkorrak diren tratamenduak identifikatzea, adin nagusiko pertsonetan.
Metodologia: 2014 eta 2020 urte bitartean argitaratutako ikerketak erabili ziren literaturaren berrikusketa bibliografiko hau burutzeko. Hurrengo datu baseak kontsultatu ziren: Medline, CINAHL, CUIDEN, EMBASE eta Cochrane. Horrez gain, eskuzko bilaketa ere egin zen, Wound Research, International Wound Journal eta Journal of Wound Care aldizkari elektronikoetan besteak beste. Azkenik, berrikusketa bibliografiko hau idazteko, 15 artikulu kuantitatibo erabili ziren.
Emaitzak: Tratamenduaren arabera 3 kategori nagusietan banandu ziren: tratamendu kimikoak, tratamendu mekanikoak eta beste tratamenduak. Kategoria bakoitza, azpi-kategoria desberdinetan banandu zen. Tratamendu kimikoak aztertuenak izan ziren, haren barnean surfaktanteak. Biofilmari aurre egiteko eraginkorrak surfaktanteak, zilarra eta desbridamendu ultrasonikoa direla esan daiteke. Dena den, aurkitutako tratamendu guztiek biofilmaren erredukzioa, zauri kronikoen tamainaren erredukzioa edo orbainketa eragin dezaketela erakutsi dute.
Ondorioak: Biofilma eta zaurien sendaketaren denboraren artean erlazio zuzena baieztatu da, hauen orbaintzea bultzatuz. Nahiz eta, biofilmaren kontra tratamenduak erabili, arazo etiologikoa zuzentzea ere garrantzitsua da, tratamenduen konbinazioak erabiliz. Hala eta guztiz ere, biofilmari buruzko ikerketak oso murriztuak dira eta oraindik gaia ikertuagoa izan beharko litzateke, erizainek eremu klinikoan tratamendu eraginkorrena erabili ahal izateko.