Gorputz-irudi idealaren bizipenak eta erresistentzia-praktikak emakume feministen artean
Laburpena
Lan honen ikergaia dira gure gizartean nagusi den gorputz-irudi idealak emakumeengan sortu ohi den ondoeza eta horri aurre egiteko feminista batzuek abiatzen dituzten erresistentzia-praktikak. Agentzia zentroan jarriz, aldaketa sozialerako plazerak duen adierazgarritasuna ikertzen da, besteak beste, espazio seguruen sorkuntza eta praktika artistikoei dagokiena. Bestalde, sexualitatea eta desiraren eraikuntza kulturala zein horiek birformulatzeko beharra ere badira azterketa-ardatzak.