Praktika eleanitzak eta euskara, ingelesa irakas-hizkuntza bihurtzen denean: kasu-azterketa bat

Abstract

Kasu-azterketa honek ingelesa irakas-hizkuntza bihurtzen denean ikasgelan baliatzen diren hizkuntza-praktikak eta euskarak duen papera ditu aztergai. Bigarren hezkun-tzako bi ikastetxetan ikasturte batez egindako behaketen eta lau irakaslerekin egin-dako elkarrizketen bidez lortutako datuek erakusten dute, besteak beste, irakasleek testuinguru honetan hizkuntzen erabilera malguaren alde egiten dutela, eta ikasleen hizkuntzek (batez ere, euskarak) rol garrantzitsua dutela ingelesez ematen diren eduki-saioetan. Hala ere, prestakuntza espezifikoaren beharra azpimarratzen da, testuinguru horietan ikasleen hizkuntza-errepertorioari ahalik eta zuku gehien atera ahal izateko.