Unibertsitate-ikasketetako sexu-segregaziora hurbilketa

Abstract

Gure gizartean sexuen arteko parekotasun instituzionala lortu da hein handi batean, hala ere, hainbat esparrutan berdintasun hori ez da gauzatu. Beste askoren artean, hezkuntza instituzionalaren arloa aipa daiteke, eta zehazkiago, ikasketa unibertsitarioen aukeraketan dirauen sexu-segregazioa. Horren ondorioz, lan-merkatuan sexuak ezarritako desberdintasunek irauten dute, femeninotzat edo maskulinotzat hartzen diren hainbat lanbide mantentzen diren bezala, genero-estereotipo oso markatuak izanik. Azkeneko hamarkadetan, nesken unibertsitaterako sarrera masiboa izanik ere, ezin da ukatu sarrera hori ez dela zentzu guztietan eta neurri berdinean gauzatu, ez jakintza-arloari dagokionez, ezta ikasketa-mailari dagokionez ere. Artikulu hau desberdintasun horietara hurbiltzeko saioa izango da