Gure (zinemaren) sor lekua: Euskarazko lehen filmaren aurkikuntza, historia eta analisia.

Abstract

André Madré jeneralak zuzendu eta 1956an Hazparnen estreinatutako Gure Sor Lekua euskarazko dokumental luzea du ardatz saio honek. Orain arte galdutzat ematen zen filma, eta historian euskaraz egindako lehena litzatekeena. Prozesu luze baten baitan egileak deskubritutako kopia mutu baten eta beste hainbat material baliosen aurkikuntza abiapuntu ikerketak, pelikularen, Madré-ren eta garaiaren azterketa burutzen da bertan; horretarako analisi historikoa eta kulturaren soziologia erabiliz, eta filma Euskal Herriari buruz aro ezberdinetan egin diren beste zenbait dokumental esanguratsurekin erkatuz.