Enpresen jarduera eta ingurumenarekin duen harremana: errepideko garraioaren sektoreko lau enpresen azterketa
Fecha
2024-05-07Autor
Lomas Azkona, Jennifer
Metadatos
Mostrar el registro completo del ítemResumen
Gaur egun Garapen Iraunkorreko Helburuak (GIH) funtsezkoak izaten ari dira munduaren jarraipenerako eta ongizaterako. “Garraio-sektoreak Espainiako berotegi-efektuko gasen guztizko isurien %25 hartzen du, eta sektore ez zehaztuen ia %40. Garraiobideei dagokienez, errepideak emisioen ia %95 egiten du” (Trantsizio ekologikorako eta erronka demografikorako ministerioa, d.g). Horregatik erabaki dut errepide-garraioko enpresek ingurumenari ematen dioten garrantzia eta klima-aldaketa geldiarazteko egiten duten lana ikertzea.
Gradu Amaierako Lan honek Covid 19k eragindako krisiak errepideko garraioaren sektoreko enpresei nola eragin dien aztertzen du. Horretarako, sektorearen barruan jarduera ezberdinak dituzten lau enpresa aukeratu ditut: Pañalon, Monbus, Seur eta Correos. Aurrerago azalduko dut zehatzago zer jarduera burutzen duten, eta banan-banan aztertuko ditut. Ikerketa egiteko, sektorea eta azken urteak honen garapena aztertzen hasiko naiz. Horrela, aldaketak aztertu izango ditut eta enpresak haietara nola egokitu diren.
Lanaren egitura lau ataletan banatuko da. Lehenengoa sarrera izango da, lanaren helburuak eta metodologia laburtuko ditut eta ikerketa galdera batzuk planteatuko ditut. Bigarren atalean, esparru teorikoa landuko dut, bertan, sektorearen analisia, Covid 19ak izandako eragina eta GIH-ak azalduko ditut klimaren aldeko ekintzan sakonduz. Hirugarren atalean, hautatutako enpresen aurkezpena gauzatu ondoren, enpresen analisi finantzario sakona egingo dut. Horretarako, 2020 urtetik 2022 urtera kaudimen ratioak, errentagarritasunak eta bestelako datu kuantitatiboek izandako bilakaera aztertuko dut eta haien arteko ezberdintasunak ikertuko ditut. Era berean, hautatutako errepideko garraioaren sektoreko enpresek azken urteotan klima aldaketa eta berotegi-efektuko gasen isurketen kontrako egintzak aztertuko ditut eta hauen arteko konparaketa egingo dut. Hirugarren atal honetan garrantzitsua izango da planteatutako galderak erantzutea eta zalantzak argitzea. Azkenik, ikerketa burutu ondoren eta informazio osoa izanik, lanaren ondorioak azalduko ditut Gradu Amaierako Lanari bukaera emanez.