ItzuliNerabeetan suizidioa prebenitzeko osasun-heziketarako programa
Laburpena
Sarrera: Pertsonek bere buruaz beste egitea osasun publikoko arazo bilakatu da azken hamarkadetan. Izan ere, suizidioaren eta buruko nahasmenduaren inguruan sortzen diren estigmek, bizia kentzea pentsatzen duten edo hori egiten saiatzen diren eta, beraz, behar duten laguntza jasotzen ez duten pertsona askori laguntza bilatzea eragozten dio. Hau horrela, suizidio edo suizidio-saiakerak, familian, komunitatean eta herrialdean inpaktua eragiten du, ondorio kaltegarri eta iraunkorrak eraginez. Gainera ikusi da nerabezaroan suizidioa dela bigarren heriotza-kausa nagusia munduan eta arrazoi nagusia adin horretan gertatzen diren aldaketak direla.
Helburua: Heziketa-programa bat diseinatzea Lasarte-Oriako Oriarte ikastetxeko 16-17 urte bitarteko nerabeekin, adin tarte horretan izaten diren suizidio-egoerak prebenitzeko.
Metodologia: Lan hau aurrera eramateko eta ebidentzian oinarritutako informazioa eskuratu ahal izateko, osasun arloko datu baseak erabili dira (Dialnet, PubMed, PSICODOC, BVS eta CUIDEN). Horrez gain, gai hau jorratzen duten hainbat web-orrialde, gida zein liburu kontsultatu dira.
Plangintza: Osasun-heziketa (OHEZ) programa hau 7 saiotan gauzatuko da. Saio bakoitza bi ordukoa izango da batez beste, eta astean saio bakarra egingo da. Saio guztiak Lasarte-Oriako Oriarte ikastetxean egingo dira, ikastetxeko areto nagusian. 1. batxilergoko 20 pertsonaz osatu den taldearekin egingo da proiektua eta erizainak gidatuko du.
Ekarpen pertsonala: Nerabeen suizidioaren inguruan gero eta gehiago hitz egiten den arren, oraindik zeregin ugari dago egiteko, ez baita arazoa prebenitzeko programa konkreturik existitzen oraindik. Hori horrela, osasun-heziketa programa bat diseinatzea erabaki da pare bat gida oinarritzat hartuz eta nerabeei zuzendutako jarduerak eginez.
Hitz gakoak: Suizidioa, nerabeak, osasun-heziketa, prebentzioa.