ToKa! musica talde baten kontratazioaren kudeaketarako web aplikazioa

Abstract

OstiKda! Elektrotxaranga euskal musika-taldea da, irabazi asmorik gabekoa, hainbat musikari gazteen aisialdiko proiektua. Euskara eta euskal kulturaren aldeko apustua eginez, musikaz girotzen dituzte Euskal Herri osoko jai-eremuak. Hiru urte baino gehiagoko jardunak ezagun bihurtu ditu, eta, gaur egun, emanaldi berriak eskaintzeko eskari kopuru handia jasotzen dute. Eskari horiei erantzuna emateak, ordea, musikaz aldentzen den kudeaketa eta barne-komunikazio lan handi eta nekeza dakar, aisialdiko proiektu hau taldearen benetako interes musikaletik urruntzen den zama bihurtuz. Hori dela eta, lan honek ToKa! aplikazioaren garapena aurkezten du: OstiKda! Elektrotxaranga musika-taldearen barneko kudeaketa-lana errazteko sortutako web- aplikazioa. Tresna honek eskariei erantzuna emateko lana, eta, oro har, emanaldiei lotutako informazioa kudeatzea errazten ditu.