Orereta-Oiartzo Ikastola kardiobabestua

Abstract

Bihotz biriketako gelditzea (BBG) da bihotzeko gaixotasun iskemikoen ondorioz gertatzen diren heriotzen %60a baina ehuneko handiago baten arduraduna. Lehenengo bost minututan masaje kardiakoa eta desfibriladorearen erabilerak, %90era igoko lituzke bizirauteko aukerak. Presentziatutako geldialdietan, testiguen %25ak baina gutxiagok ekiten diote berpizte maniobrei. 2014ko otsailaren 28ko, 126. errege dekretuak, Espainian lehen sorospenak eskola kurrikulumaren parte izatera derrigortzen du. Hala ere, hau ez da oraindik errealitatera pasa, populazioa gaizki prestatua egonik. Arazo hauei aurre egiteko sortzen da Orereta-Oiartzo Ikastola Karbiobabestua proiektua. Helburua: Orereta-Oiartzo Ikastola sortzen duten irakasle, guraso, langile eta ikasleek geldialdi baten aurrean zer egin behar den jakitea. Proiektua: Osasun heziketa proiektu bat da. Osakidetzako Emergentziak eta Orereta Ikastolak sortutakoa. Heziketa BBG ingurukoa da, Ikastolako irakasle, ikasle,langile eta gurasoei eskaintzen zaiena. Hezkuntza era piramidala da, denek parte hartzeko asmoz. Emaitzak: Talde-eragilearen emaitzen azterketa egin da, gainontzekoena oraindik ezin baita burutu. Hezkuntza jasan aurreko bataz besteko nota 4.1 da bostetik. Ondoren aldiz, 4.6ko nota aztertzen da. Ondorioa: Emaitzek, formakuntzak eragin positiboa izan dezakeela erakutsi dezakete. Hala ere, proiektua oraindik martxan dago eta estatistikoki oraindik ez dira esanguratsuak. Emaitzak epe luzera ikusiko dira, datorren urteetan hain zuzen. Konklusioa: Gizarteak BBG baten aurrean nola jokatu jakiteko programak sortu behar dira. Hezkuntza programa hauek garatzeko erizainek ezinbesteko papera dute, beraien lanaren parte baita osasuna sustatzea. Orereta-Oiartzo Ikastoak, hurrengo urteetan proiektu hau aurrera ateratzeko erronka du zenbait kasuetan formakuntza eskaintzeko pertsona falta nabaritu baita. Proiektuan nire parte hartzea: Emergentziak-eko kidearekin batera Talde-eragileari formakuntza eskaini eta aktiboki bilera guztietan parte hartu dut. Hortaz gain, urte osoan zehar ikastolako eta Emergentziakeko kideekin talde lanean aritu naiz formakuntza eskaini eta Ikastola kardiobabestu bihurtzeko beharrezko prestakuntzan.