Nutrizio hezkuntza: sare sozialen bidezko zeliakoentzako esku hartzea baten diseinua

Abstract

Populazioaren % 1 zeliakoa da, zein gaixotasun autoimmune sistemikoa den. Hesteetan hantura, bilioen atrofia eta kripten hiperplasia gertatzen da eta adierazpen kliniko intestinalak zein extraintestinalak eragin ditzake. Zeliakia tratatzeko egun dagoen tratamendu bakarra bizi osorako gluten gabeko dieta zorrotza jarraitzea da. Segurua izan behar du, glutenik gabea, eta baita orekatua ere, nutrizionalki orekatua eta sozialki jasangarria. Tratamendua aurrera eramatea erronka handia da askotan zeliakoentzat, glutena elikagai askotan ohikoa delako, nahigabeko transgresioak egiten dituztelako, dieta orekatzea zaila delako eta populazio ez zeliakoaren ezjakintasunagatik sozialki baztertuak sentitzen direlako. Hori dela eta, arazoari aurre egiteko nutrizio hezkuntza esku-hartze bat diseinatu da, sare sozialen bidez garatzekoa eta heldu zeliakoentzat bereziki diseinatuta. Hasteko, inkesta baten bidez zeliakoen jakin-nahiak eta kezkak detektatu dira. Hezkuntza beharra honakoei dagokienez detektatu da: kontzeptu orokorrak, orekatua den glutenik gabeko dieta, etiketatua eta kutsadura gurutzatua. Esku-hartzea gai horietan zentratu da eta populazio osoarentzat baliagarria izatea ere bilatu izan da. Esku-hartzean bost astez egunero hezkuntza dosi txikiak emango dira Instagramen bidez, modu erakargarrian eramangarriago izateko. Bukatzeko, esku-hartzearen hezkuntza-nutrizionala neurtzeko tresna ere diseinatu da. Inkesta espezifikoa erabiliko da, ikasketa gai bakoitzaren aurretik eta ondoren bete beharko dena. Esku-hartzea martxan jarri eta emaitza positiboak lortzea espero da. Esku hartzearen azken helburu orokorra da parte-hartzaileek nutrizio-hezkuntza bereganatzea, eta ondorioz, sintomak eta nutrizio egoera hobetzea, baita egunerokotasuna eta bizitza kalitatea hobetzea ere.