Paisaiaren bilakaera eta paisaia unitateen bitartezko paisaia-politikaren azterketa Euskal Autonomi Erkidegoko lurralde plangintzan

Abstract

Euskal Autonomia Erkidegoak Paisaiaren Europako Hitzarmenera atxikitzeak, Lurralde Plangintzan paisaiaren ulermena eta edukierari buruzko inflexio-puntua dugu. Paisaia Lurralde Plangintzarako tresnatzat aitortzen duen esanahi berritzaile eta bateratzailea ezartzeaz gain, paisaia alorreko politika Lurralde Plangintzan barneratzeko bitartekoakidentifikatu egiten dituelako. Hauen artean, Paisaiaren Katalogoak eta Paisaiaren Zehaztapenak gailentzen dira, hauek Paisaiaren Europako Hitzarmenak bere osotasunean barneratzen duten instrumentu bakarrak direlako. Eta Paisaiaren Zehaztapenak Katalogoetan oinarrituz, dagozkien Lurralde Plan Partzialean ezarriko direlako. Aldi berean, Paisaiaren Katalogoek jaso behar duten edukieraren artean, adeitasun berezia barneratzen duten paisaia unitateak ditugu. Hauek ere, lurralde orori egokitzeaz gain, paisaia politika bere osotasunean gauzatzeko abiapuntuak direlako. Hala eta guztiz ere, Lurralde Plangintzan paisaia juridikoki garatu arren, Lurralde Antolakuntzarako Tresnek ez dute Paisaiaren Europako Hitzarmenak zehaztutako paisaia bere osotasunean barneratzen. Bestalde, egungo lau Arlo Funtzional Paisaiaren Katalogoak jaso arren, eta hauetatik hiru Zehaztapenak hasierako onespena jaso arren, paisaiaren alorreko politika ez da Lurralde Plangintzan bere osotasunean barneratzen. Honen zergatia, paisaia unitateak instrumentu horietan izandako edukieran jatorri izanez. Guzti honengatik, Paisaiaren Europako Hitzarmena bere osotasunean barneratzen ez duen Lurralde Plangintza baten aurrean aurkituz.