Erabilera anitzeko eraikina Astigarragako industria gunean. Astigarraga (Gipuzkoa)

Abstract

ARAZOAK Industria guneak hirien barnealdean kokatzetikkanpoaldeetara lekualdatu ziren garapenarekin batera, estandarizazioak eta produkzio sistema berrietarako azalera gehiago bilatuz. Hau hirigintzak bultzatutako zerbait ere izan da, izan ere eremuak zonifikatuz, erabileren arteko banaketa gertatzen da. Zonifikazio hau, gaur egungo hirien arazoetako bat da izan ere erabilerak banatzeak mugak ezartzen ditu hirian, erabilera ezberdinen arteko harremanak moztu egiten direlako eta bestelako arazoak ekartzen ditu adibidez desplazatzeko egin behar diren ibilbide luzeak. Beste aldetik industria txertatzeko erak, lurzoru azalera lau handia eskatzen du eta askotan topografiak zaildu igiten du erabilera industrialeko eraikin berriak sortzea. Askotan malda eta bestelako eremu desegokietan eraikitzen hasi dira, kostu eta inpaktu askoz handiagoekin. Gainera industria eraikinak gehienetan solairu 1 edo 2-koak izaten dira, lurzoruari etekin gutxi aterata.

HELBURUAK ETA ESTRATEGIA Alde batetik, helburuetako bat zonifikazioak ezartzen dituen mugak baztertzea izango da, honek sortu duen eredua aldatuz. Honetarako jarraituko den estrategia erabilera industrialak galdu gabe, bestelako erabilera bateragarriak txertatzea izango da, industria gunea hiriaren parte aktibo bezala ulertuz honen azkunderako. Beste aldetik eremuak dauzkan baliabideak erabilita, inguruaren dentsitatea handitzea izango da, estelako lurzoru berrien beharra murrizteko, eta horretarako altuera handiagoko eraikinak sortuko dira, modu honetan bertikalki eraikitzen den industria gunea sortuko da.