Paisaian barrena, egotetik izatera: 'Upper Lawn' eta aurrearkitektura

Abstract

Alison eta Peter Smithson gerraosteko arkitekto ingelesek Fonthilleko Abadiatik gertu asteburuak eta oporraldiak igarotzeko eraiki zuten Upper Lawn etxeak (Tisbury, Wiltshire, 1959-62-82) zeharkatzen duen paisaiaren eta arkitekturaren arteko hartu-eman, joan-etorri eta bereizte-lur hartzean datzan doktorego-tesiak; zatiaren eta osotasunaren, eskuraezin eta eskuragarriaren, ikusezin eta ikusiaren, arrotzaren eta lekukoaren, gorputzaren eta inguratzen duenaren artean, jakintzat ematen diren ezaugarriak zalantzan jartzen ditu eta atzealdea, bazterrekoa eta azpialdea aurreratzen, erdiratzen eta goratzen duen arkitekturaren irakurketa fenomeniko bat erakusten du: arkitekturari aurreratzen zaion aurrearkitektura.